قصيدة .. لو .. لو .. لو .. { للشاعر حامد زيد ||~

قصيدة [ لو ] للشاعر حامد زيد

أسمحي لي يا الحبيبه مابقى فيني سعه
والصراحه طبع فيني هي حقيقة مو خيال
الرجوله من صفاتي والردي ما نتبعه
والحقيقة ما انتظرتك والحكي لازم يقال
ضيق الخاطر معاني في خيالي بطبعه
مع هنوف(ن) صادفتني في مسافات(ن) طوال
أبعدت عني وراحت في طريق المنفعه
مع عذول(ن) كان ضدي حبها حب ودلال
لاتظنيني بغيتك لو تركتيني معه
من تركني ما بغيته وموقفي موقف رجال
لو نسيتيني بفصل(ن) بتركك بالأربعه
ولو جرحتيني بيوم(ن) بجرحك طول الليال
لو تكوني من ضلوعي ظلع فيني بشعله
ولو تكوني لي حياتي موتها لجلك حلال
لو تكوني في عيوني نور عيني بمنعه
ولو تكوني في خيالي صورت(ن) مالك خيال
ولو تكوني عرق فيني من وريدي بمزعه
ولو تكوني شمس يومي صرت لك لحظة زوال
لو تنادي لي بصوتك في منامي بسمعه
وفي الحقيقه ما سمعتك لو تقولي لي تعال
من شرى شي بحلاله ما يفيده رجعه
والحقيقه ما صمدتي بالعذايب الثقال
ما وطيتي من مقامي بإسم ربي بأرفعه
ولو يحن القلب لحظه نحرمه لحظة وصال

صح لسـآنكـ حامدنـآ [center]

الموضوعالأصلي : لو لو لو لو حامد زيد  المصدر : منتديات شريوف  الكاتب:  بن طلويح

الموضوعالأصلي : لو لو لو لو حامد زيد  المصدر : منتديات شريوف  الكاتب:  جبرني الوقت

الموضوعالأصلي : لو لو لو لو حامد زيد  المصدر : منتديات شريوف  الكاتب:  بن طلويح

صح لسانه وتسلم يدك

تحياتي للابدع

الموضوعالأصلي : لو لو لو لو حامد زيد  المصدر : منتديات شريوف  الكاتب:  ابو حمد