البارحه والجوع مس الذيـب يـوم انـه يعـوي
علـى سنـام طويـق والقـمـره وراه بليتـهـا
اخايلـه واقـول واعـزي لحـالـك يالـقـوي
اللي تنقى فـي سمـان الفطـح لا مـن جيتهـا
واللي باساميـك يتقلدهـا الخـوي مـع الخـوي
والعـرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي
والوجبـه الحيـه تعشاهـا وتـتـرك ميتـهـا
الجوع لـو يدفعـك للمـوت الذحـاح المستـوي
حشمت نفسك عـن عظـام الحرجـه وخليتهـا
ودامك طليق(ن) ما قهـرك المعتـدي والمهتـوي
وخطاك مـن دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه ليـا عشيتـهـا
يا موجل(ن) قلب حضري يا موجل(ن) قلب بدوي
ياللـي تشيّـم خـوة الرجلـيـه ان خاويتـهـا
عامر خوي الذيب في عصر الفـوات المنطـوي
قصته فـآذان العـرب واليـا طـرت لبيتهـا
نحر ذلول(ن) مـن وصايفهـا شحمهـا مرتـوي
لعيـون خوتـك الفريـده والبقـا فـي صيتهـا
يـا ذيـب يكوينـي قنيبـك لا توحّيتـه كـوي
على غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي
لكن خطواتي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا
وقبل يغيب المنطق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي
والناس تمشـي فـي تعاملهـا حسـب توقيتهـا
يا ذيب مدري كيف ابوصف حالتك يالمنزوي
(والهاشميه في طرف عيني ولا دنيتها )
لا جيت ابرثى حالتك ضاع الكلام اللغوى
والمفردات اللي تجملني ليا عديتها
والهاجس الي كل ما فليت حويه ينحوى
وافكاري اللي تتعب الخافق ليا هليتها
واخاف لا تكمل وينحاك النزيف الدموي
وابقى على قول المثل خميتها واخطيتها
ياذيب واقنب خل صوتك يدوي العالم دوي
ما دام خانتك الضروف الله يخرب بيتها

__________________



اذا المرء لا يرعاك الا تكلفا .:. فدعه ولا تكثر عليه التاسفا
ففي الناس ابدال وفي الترك راحة .:. وفي القلب صبر للحبيب ولو جفا
فما كل من تهواه يهواك قلبه .: . ولا كل من صافيته لك قد صفا
اذا لم يكن صفو الوداد طبيعة .:. فلا خير في ود يجيء تكلفا
ولا خير في خل يخون خليله .: . ويلقاه من بعد المودة بالجفا
وينكر عيشا قد تقادم عهده .: . ويظهر سرا كان بالامس قد خفا

الموضوعالأصلي : قصيدة الذيب للذيب   المصدر : منتديات شريوف  الكاتب:  alihossine

الموضوعالأصلي : قصيدة الذيب للذيب   المصدر : منتديات شريوف  الكاتب:  الصميلوغ

الموضوعالأصلي : قصيدة الذيب للذيب   المصدر : منتديات شريوف  الكاتب:  alihossine