يهزني طيفك ليا مر طاريه

هز الهوي لغصون سدرٍ رطيبه

انت الذي صارت حياتي بياديه

وانت الذي للجرح طب وطبيبه

القلب ما غيرك ترا ساكنن فيه

وماغيرك اللي شب وسطه لهيبه

اضحك وقلبي زايد الهم طاويه

من شان ماتدري الوجيه الغضيبه

دايم ترا الذكرى لقلبي تعنيه

تردني ذكرى بعيده قريبه

اليا ذكرت اللي مضا من لياليه

بطراف روضٍ معك بوسط شعيبه

على النقا والكل خله يناجيه

ما دست انا وياه درب المعيبه

اليوم اشوف الصد بانت مواريه

والقلب صابه منك شكٍ وريبه

اشلون بعت الحب يوم انت شاريه

صحيح من قال المفارق مصيبه

قصر الغلا لاتهد عالي مبانيه

قصرٍ بنيته معك من يعتنيبه

يالله ترجع كل سيلٍ لواديه

من شان عيني نومها تهتنيبه

الموضوعالأصلي : من شان عيني نومها تهتنيبه  المصدر : منتديات شريوف  الكاتب:  ابو حمد

لله الله على الكلمات الجميله





شكرا لك







تقبل تحياتي

الموضوعالأصلي : من شان عيني نومها تهتنيبه  المصدر : منتديات شريوف  الكاتب:  alihossine