الموضوعالأصلي : الزواج بالفتاة التي عقد عليها " عرفيا " شرط الإفراج عن نائب القنصل السعودي المختطف  المصدر : منتديات شريوف  الكاتب:  S@binamrat

الاكيد







كشف المتحدث الأمني في وزارة الداخلية أمس عن تلقي سفارة خادم الحرمين الشريفين في صنعاء اتصالات هاتفية من مشعل محمد رشيد الشدوخي أحد المطلوبين للجهات الأمنية المعلن عن اسمه ضمن قائمة الـ 85 مطلوبًا، مفيدًا أنه يمثل الفئة الضالة ويؤكد مسؤوليتهم عن اختطاف نائب القنصل السعودي بعدن عبدالله بن محمد الخالدي وأن لهم مطالب تتضمن تسليم عدد من السجناء إلى أعضاء التنظيم باليمن.
وأكد المتحدث الأمني على المواقف الثابتة للمملكة في رفض وإدانة مثل هذه الأعمال الارهابية بكافة أشكالها وصورها والتي ينكرها الشرع الحنيف وتأباها الشيم العربية وهي ضرب من ضروب الفساد في الأرض، محملا من يقف وراء هذا العمل الإجرامي كامل المسؤولية عن سلامة المواطن عبدالله الخالدي وطالبهم بالرجوع عن غيهم والمبادرة بإخلاء سبيله، موضحًا أن التنسيق جارٍ مع الأشقاء باليمن لتحقيق ذلك. وفيما يلي ما ورد في الاتصالات المتعددة التي جرت معه منها المقاطع التالية:
الشدوخي / أنت قبل شوي اتصلت على جوال بخصوص عبدالله الخالدي صح.
السفير / أي نعم.
الشدوخي/ كيف حالك طيب.
السفير / الحمد لله كيف ولدنا عندكم.
الشدوخي/ والله الرجال طيب ما به خلاف الحمد لله صحته طيبة أموره طيبة وإن شاء الله الأمور طيبة والجماعة عندهم بعض الكلام ودهم يوصلونه لكم.
السفير/ وش هو الكلام.
الشدوخي/ يعني الكلام من التليفون ما يصلح لكن نشوف الطريقة المناسبة لكم شوفوا اللي تشوفون مناسب أرسل لنا واحد من عندكم سواء سعودي أو يمني أي شيء تشوفه مناسب لك يابو فارس.
السفير / وين أرسله لك فيه.
الشدوخي / أرسله عندنا إلى أبين إلى جعار أول ما يوصل يتصل على هذا الرقم أو قبل ما يتحرك يتصل ويعطينا موعد أكيد أنه بيوصل إن شاء الله نعطيه الكلام.
السفير / أنا ما أقدر أنت لا تعرفني وأنا لا أعرفك يعني لازم.
الشدوخي/ خلاص ما فيه مشكله طبعا الآن جيتك في الكلام أنا عندي بعض الأسئلة لكم لأنه طبعا هو قال لي كلم الأخ على الحمدان صح.
السفير/ أي نعم معك.
الشدوخي/ وقال كلم ابو فارس وانا عندي بعض الأسئلة أريد أسألك عليها لأنه احنا ما نريد أي طرف ثاني يدخل في الموضوع ما نريد إلا الحكومة السعودية بس .
السفير / طيب قول لي ما تقدر توضح لي ذالحين.
الشدوخي/ المطالب ما تصلح تعرف البلاد مخبوصة والكل يعني والشباب هنا جربوا بعض القضايا زي كذا والكلام بالتلفون ما يصلح كأنك تبغى تأكد منه يعني بخير وانه موجود عندنا ممكن انا بأحاول اخليك.
السفير/ لا لازم اطمئن عليه احنا قلقين عليه مرة.
الشدوخي/ والله انه طيب .
السفير/ انا ما اقدر اواصل إلا لين اسمع صوت الرجال.
الشدوخي/ انا يعني واحد من عندكم انا سعودي ما انا بيمني.
السفير / انت سعودي.
الشدوخي/ انا سعودي الدولة تعرفني وأنا موجود في اليمن لي فترة ممكن نتواصل ان شاء الله بعدين انا طلب مني أني أوصل الرسالة يحملني ابن البلد واعرف دولة أهلي ما يكون فيه وسيله ان شاء الله بأدرس بأرتب مع الجماعة هنا واقول لهم ابوفارس طلب يريد يطمئن فأشرحوا لي الطريقة المناسبة هل تسمحون لعبدالله يتصل هل تشوف فيه رأي ثاني ايضا انا عندي أسئلة أريد اطرحها عليك لكن ان شاء الله أنا أعدها وبيكون اتصال على هذا الرقم.
الجماعة عندهم مطالب وبيوصلكم ان شاء الله انت قول الجماعه قولهم يريدون كذا كذا انا بالنسبة لي هم ما كلفوني بهذا الموضوع الا الأمور طيبة تمام انا طلب مني اني اتكلم بوضوح اعرفكم منهو انا وباسمي والدولة عارفة يعني.
السفير / مدام الدولة عارفه وراء ما تعطيني اسمك.
الشدوخي/ انا اسمي مشعل محمد الشدوخي.
السفير/ الشدوخي من القصيم.
الشدوخي/ قصيمي يكلم قصيمي ان شاء الله خير.
السفير/ لهجتك نسيت القصيمية.
الشدوخي/ لا ما نسيتها لكن علشان نشأنا في اليمن وضاعت في بعض الكلام.
السفير/ القصيمي عمره ما ينسى لهجته.
الشدوخي/ انا معك بريداوي اللي تبي بس.
السفير/ ايه واضح.
الشدوخي/ انا تواصلت مع الجماعة قالوا عادي تكلم معاه بالتلفون انتو عندكم اعتراض على التلفون والا عادي.
السفير/ لا ما فيه اعتراض تفضل.
الشدوخي/ خلاص المطالب موجودة عندي.
السفير / تقولها لي.
الشدوخي/ معك قلم وورقه.
السفير/ طيب ايوه تفضل.
الشدوخي/ عندك الطلب الأول إطلاق جميع المسجونات في السجون السعودية وتسليمها لنا في اليمن.
السفير/ واذا ما يبغى يروحون لليمن ايش تسوي فيهم.
الشدوخي/ بعدين نتشاور لأنهم يقولون خذ المطالب.
السفير / تفضل الثاني.
الشدوخي/ لا تستعجل الله يهديك.
السفير/ بالله تفضل.
الشدوخي/ وين وصلنا وتسلمهم لنا في اليمن مع الأخت القصير ونجوى الصاعدي واروى بغدادي وحنان سمكري ونجلاء الرومي وهيفاء الاحمدي الاسيرات في السجون السعودية .
السفير/ طيب ايوه تفضل راح الصوت.
الشدوخي/ المطلب الثاني إطلاق سراح جميع المعتقلين في سجون المباحث العامة.
السفير / طيب تفضل.
الشدوخي/ وكذلك الذين تم اعتقالهم دون توجيه أي تهم.
السفير/ طيب.
الشدوخي/ وعلى رأس هؤلاء جميعًا هؤلاء الأسماء الأول الشيخ فارس الزهراني الشيخ ناصر الفهد الشيخ عبدالكريم الحميد عبدالعزيز الطويلعي سليمان العلوان وليد السناني على خضير محمد الصقعبي خالد الراشد ويكون تسليم المشايخ لنا في اليمن هذا المطلب الثاني تمام المطلب الثالث.
السفير / الثالث هذا الرابع اللي تقوله ها الحين .
الشدوخي / خلاص عدوا لنا رابع تمام اطلاق سراح جميع المعتقلين اليمنيين المسجونين عند المباحث العامة.
السفير/ ما فيه هنا المباحث العامة.
الشدوخي/ لا المباحث العامة دون استثناء تمام.
السفير / تمام.
الشدوخي/ المطلب الخامس والأخير دفع فديه ماليه سيتم الاتفاق عليها فيما بعد عمومًا أنا مجرد ناقل لرسالة فهمتني ولا فيه ناس عندنا هنا والله العظيم من أول ما اختطف الخالدي وهم يقولون جهزوا السكين.
السفير / انتم هالحين يا أخ مشعل بديتوا فينا.
الشدوخي / انا أقولك امير التنظيم كلفني اني اتواصل معكم في هذا الكلام.
السفير / من هو امير التنظيم.
الشدوخي/ ناصر الوحيشي الدولة تعرفه انت سفير السعودية في اليمن عارف ها الأشياء كلها ناصر الوحيشي وسعيد الشهري وقاسم الرومي كلهم تعرفهم الدولة، هذا الآن قنصل يختطف بكرة سفارة تنفجر بكرة أمير يقتل.
القنصلية السعودية في عدن.. وفي الإطار المختطف الخالدي

الموضوعالأصلي : الزواج بالفتاة التي عقد عليها " عرفيا " شرط الإفراج عن نائب القنصل السعودي المختطف  المصدر : منتديات شريوف  الكاتب:  ابو حمد